ఈ పుట అచ్చుదిద్దబడ్డది
రేకు: 0056-6 భైరవి సంపుటం: 06-090
పల్లవి:
పట్ట కింత మాచెఱఁగు బాఁపఁడా నాఁడె
వుట్టిఁ గట్టితివి కుల మోబాఁపఁడా
చ. 1:
పలుకుల వాదాలబాఁపఁడా యిట్టె
పలునీళ్ల మునిఁగె బాపఁడా
పలువంచలఁ బొరలే బాఁపఁడా యిట్టె
వొలికిజంటెలఁ గోప మోబాఁపఁడా
చ. 2:
పాయనియాసొదపు బాఁపఁడా ఇట్టె
బాయిటఁ బడె నీ విద్య బాఁపఁడా
పాయపు తల జడల బాఁపఁడా యిట్టె
వోయయ్య బతిమాలకు మోబాఁపఁడా
చ. 3:
పారవేసేవు సిగ్గెల్ల బాఁపఁడా యిట్టె
పాఱుతెంచేటి కమ్మటి బాఁపఁడా
భారపు వేంకటగిరి బాఁపఁడా మమ్ము
నోరసేయక కూడితి వోబాఁపఁడా