ఈ పుట అచ్చుదిద్దబడ్డది
రేకు: 0053-5 సామంతం సంపుటం: 06-071
పల్లవి:
విరహపు రాజదె విడిదికి రాఁగా
సిరులఁ జేసె నిదె సింగారములూ
చ. 1:
నెలఁత నుదుటిపై నీలపుఁగురులనె
తొలుతనె కట్టెను తోరణము
మొలకచెమటలనె ముత్యపు మ్రుగ్గులు
అలరిచె మదనుం డదె చెలిమేన
చ. 2:
దట్టముగాఁ జింతాలతనే వడిఁ
బెట్టెఁ జప్పరము పెనఁగొనఁగ
పట్టినమైతావుల పరిమళములు
కట్టించెను చెంగట వలరాజు
చ. 3:
విందగు వేంకట విభుని ప్రేమచేఁ
బొందుగఁ బెట్టెను బోనాలు
ఇందువదన కీయిందిరావిభుని
కందుదేర నలుకలు చవిచేసె