ఈ పుట అచ్చుదిద్దబడ్డది
రేకు: 0053-1 హిందోళవసంతం సంపుటం: 06-067
పల్లవి:
నన్నేల యేఁచేరే నగుబాట్లు
అన్నింటా నాకె ఘనమై యుండుఁగాక
చ. 1:
నాకేలె యీసింగారాలు నాకేలె యీనటనలు
ఆకడ నాతఁడు సుఖ మందఁగాను
కైకొనె నాతని చెంతఁ గల దెల్ల నా మనసు
ఆకె పట్టపు దేవు లై యుండుఁగాఁక
చ. 2:
నేనేలె యాతనికి నేనేలె బాలకిని
ఊనిన సుఖమునందా నుండఁగాను
కానిక లాకె నవ్వులు కన్నులఁ బట్టఁగను
ఆనేరుపులే చవులై యుండుఁగాక
చ. 3:
వద్దేలే నాతోడి పొందువద్దేలే తనకు
ఒద్దిక లక్కడం గలి గుండంగాను
గద్దిరియై కలసి వేంకట విభుండు
అద్దొ యింకా నన్ను నణకించుంగాక