ఈ పుట అచ్చుదిద్దబడ్డది
రేకు: 0045-5 సౌరాష్ట్రం సంపుటం: 06-023
పల్లవి:
ఎట్టుగడియించే నమ్మ యీవలపు
పుట్టించి నటువంటి పూఁటకాఁపు మరుండు
చ. 1:
తడఁబాటు నాలికకు తలఁకు మానంబునకు
నొడఁబాటు మఱపులకు నుదుటుఁ దలఁపులకు
కడువేడుకలు కోరికలకు భయ మాసలకు
బెడిదంపుఁ గోపంబు బిత్తరి చూపులకు
చ. 2:
అతిముదము చింతకును అలపు గర్వంబునకు
మితిలేని తాపంబు మెత్తని తనువునకు
రతి గమ్మచెమటలకు రచన విరహంబునకు
ధృతి లేమి మనసునకు గతి గమనమునకు
చ. 3:
కురులు నెన్నుదుటికిని గుఱుతు లధరంబునకు
మురిపెంపుఁ జిఱునగవు ముద్దుమోమునకుఁ
దిరమైన వేడుకలు తిరువేంకటేశునకుఁ
బరిణాపు మాటలివి పడఁతు లిందఱికి