ఈ పుట అచ్చుదిద్దబడ్డది
రేకు: 0045-1 ఆహిరి సంపుటం: 06-019
పల్లవి:
సుదతి నీ కింతవంటా చూచెఁగాని
యెదనున్న నీతలం పెఱుఁగలేదాయె
చ. 1:
తగులనాడితి వంటా తమక మందితి వంటా
నగితివంటా నింతి నమ్మెఁ గాని
జగడించి వేఱొక్క సతికి మోహము సేసి
తెగి తన్ను విడిచేది తలియలేదాయె
చ. 2:
కలలో వచ్చితివంటా కన్నుల మొక్కితివంటా
వెలఁది పువ్వుల బంతి వేసెఁ గాని
కలికి చేఁతల వట్టికాఁకలు వొడమించి
తలవంపిఁచేవని తలఁచలేదాయె
చ. 3:
వేరుసేయ వంటా వేంకటపతి వంటా
కూరిమి గలవంటాఁ గూడెఁ గాని
నేరుపు మెరయించి నెలఁత నీ వెంతేని
ఊరడించినదాఁక నుండలేదాయె