ఈ పుట అచ్చుదిద్దబడ్డది
రేకు: 0044-3 ఆహిరి సంపుటం: 06-015
పల్లవి:
పచ్చి కస్తురి నీకు బ్రాఁతిగాని
ఒచ్చెమని పూయ నొల్లమి దెన్నఁడును
చ. 1:
తట్టుపునుఁ గొడల నంతటా నలంది
దిట్టవై పరిమళానఁ దిరిగేవు
ఇట్టిది మాయడవిలో నింతా నిదే
ఒట్టి యుండు నే మొల్ల మిదెన్నఁడును
చ. 2:
కప్పురపుఁ దావి తోడఁ గదియుచు
చిప్పిలెటి చెమటలఁ జెలంగేవు
తప్పక యింటింట దీని తరువులే నే
మెప్పుడు మాచేత నంట మిదెన్నఁడును
చ. 3:
జవ్వాది శిరసు నిండఁ జమరుకా యిట్టె
పవ్వళించే విదె నాపక్కనీవు
రవ్వయిన వేంకటరమణుఁడా మే
మెవ్వరమూ దీని నెఱుఁగ మెన్నఁడును