ఈ పుట అచ్చుదిద్దబడ్డది
రేకు: 0036-2 శ్రీరాగం సంపుటం: 06-143
పల్లవి:
అతనుని సరకులే యంగడివి
అతివలె కడు నీ కమ్మెద రదివో
చ. 1:
చక్కందనములు జవ్వనమదములు
చెక్కుల నగవులు సిగ్గులును
మొక్కుల చూపులు మురిపంబులు నీ
యక్కఱ దీరఁగ నమ్మెద రదివో
చ. 2:
గుబ్బల మించులు కొప్పుల చెదరులు
సిబ్బెపు మేనుల చెమటలును
గబ్బితనంబులు గసరుల జంకెలు
అబ్బరముగ నీ కమ్మెద రదివో
చ. 3:
తలపోఁతలు చింతాపరవశములు
వలచి వేంకటేశ్వర నీకు
కల వీ యంగడిఁ గదియకు నన్నిటు
లలసితి విదె నీ కమ్మెద రదివో