ఈ పుట అచ్చుదిద్దబడ్డది
రేకు: 0032-5 ఆహిరి సంపుటం: 06-121
పల్లవి:
బడలివున్నాఁడు ఉప్పరిగలోన గుట్టు
విడిచి విభునిం జేర వచ్చేయవె
చ. 1:
చిలుకు నీనగవులే చిలుపాలు నీ
పలుచని నీ తెలి చూపుం బాశాలు
చలివేఁడికసరులే శాకాలు యింపు
దొలఁచి నీపతికి విందులు వెట్టవే
చ. 2:
జడియు నీ చెమటలే జలకాలు నీ
కడుమంచి మెయితావి గందాలు
వెడయూర్పు విసరులే విభవాలు నీ
పొడముఁ బలుకుల తప్పులు వాపవే
చ. 3:
కమ్మని నీమాటలే కప్పురాలు నీ
తమ్ములపుంజెదరులే తలఁబ్రాలు
నెమ్మది వేంకటగిరి నిలయుని నీవు
క్రమ్మఱం గ్రమ్మర నిట్టే కౌఁగిలించవే