56 శ్రీకాశీఖండము
నర్థంబు కాశీపురాంగణంబునయందు
నానాప్రకారమై నటన మిగులుఁ
గ్రామంబు కాశికాకటకఘంటావీథి
గర్వించు రాజలోకంబు ఠేవ
మోక్షసంపదలు గాశీక్షేత్రమునయందుఁ
ద్రవ్వి తండంబులై నివ్వటిల్లు
తే. గాశికల్యాణముల కాదికారణంబు
కాశి యణిమాదిసిద్ధుల కాటపట్టు
కాశి జనలోకసంకల్పకల్పకంబు
కలుషపిశితంబు మెసవురాకాసి కాశి. 50
సీ. ఉర్వీధరశ్రేణు లుఱ్ఱూత లూఁగంగ
నేడుగాడ్పులు వీచు నెన్నఁ డేనిఁ
జండభానుండు పండ్రెండుమూర్తులు దాల్చి
యెసఁగ నెండలు గాయు నెన్నఁ డేని
బుష్కలావర్తకాంభోధరవ్రాతంబు
లెలగోలు వర్షించు నెన్నఁ డేని
భూర్భువస్వర్లోకములు ముంచి జలరాసు
లేకోదకముఁ జూపు నెన్నఁ డేని
తే. నెన్నఁ డే నుండు గాలంబు మిన్ను దక్కి
భూతములు గ్రాగ నెన్నఁడేఁ బుట్టినిండ్ల
నపుడు వారణాసీపుర మైదుక్రోసు
లంతమేర యుపద్రవ మడరకుండు. 51
తే. ఉత్తరోత్తర మభివృద్ధి నొందుచుండుఁ
గాశి ధర్మార్థకామమోక్షములు నాల్గు
