పుట:కాశీఖండము.pdf/468

456

శ్రీకాశీఖండము

⁠

జక్రపుష్కరిణి నిచ్చలుఁ దీర్ధమాడంగ         వలయు సంకల్పపూర్వకము గాఁగ నర్చింపవలయు గంధాక్షతంబులఁ బుష్ప         ఫలపత్రముల విశ్వపతి మహేశు నిలుపంగ వలయును నెఱసు వాటిలకుండ         నాత్మధర్మస్వవర్ణాశ్రమముల

⁠

తే.⁠

స్నానమహిమంబు భక్తితాత్పర్యగరిమ వినఁగవలయుఁ బురాణార్థవిదులవలనఁ దనయథాశక్తి వలయును దానమిడఁగఁ గాశిఁ గైవల్య మిన్నింటఁ గాని లేదు.

⁠ 115

తే.⁠

యాత్ర విధ్యుక్తసరణిఁ జేయంగవలయు వలయుఁ బరివారక్షేత్రదేవతలఁ గొలువ వలదు బొంకంగ వలదు జీవముల కలుగ వలదు నగి యైనఁ బరమర్మములు వచింప.

⁠ 116

తే.⁠

ప్రాణసందేహమైనట్టి పట్టునందు ననృతములు వల్కియైనను నౌర్వశేయ! యన్యు రక్షింప వలఁచు టత్యంతమైన పరమధర్మంబు కాశికాపట్టణమున!

⁠ 117

క.⁠

కాలాంతకుకటకమున బి పీలికఁ గాచుట మహర్షిబృందారక! యీ త్రైలోక్యంబును గాచుట పోలఁగ శివధర్మసూక్ష్మములు దెలియు మదిన్.

⁠ 118

తే.⁠

తీర్థసంవాసకారులై ధీరబుద్ధిఁ గాశి వసియించుపెద్దల గారవించు

⁠