పుట:కాశీఖండము.pdf/459

సప్తమాశ్వాసము

447

⁠

యజ్ఞవాటంబునందుఁ గామారిదేవి యోగవహ్నికి దేహ మాహుతి యొనర్ప.

⁠ 77

తే.⁠

భామతోఁ గూడి వచ్చినపారిషదులు వేగమున నేగి సతిసుద్ది విన్నవింప భవుఁడు కోపించి భ్రూకుటిభయదఫాల భాగుఁ డౌనప్పు డొకమహాప్రభ జనించె.

⁠ 78

వ.⁠

ఆప్రభామండలంబునడుమ నొక్క దివ్యపురుషుం డావిర్భవించి యమ్మహాదేవునకు నమస్కరించి.

⁠ 79

సీ.⁠

వదనంబు దెఱచి మ్రింగుదునొ బ్రహ్మాడంబు         పలుమోద కుండంగఁ బాండురాంగ? పిండిపీచంబుగా బృధివీధరంబు ల         డంతునో కాలదండమున నభవ? దందశూకాధీశుతలలు దండసిలంగఁ         దాటింతునో కాలధర మహేశ? వ్రచ్చివైతునొ కేలి వాలారునఖముల         నఖిలదిక్కులు శశాంకార్ధమకుట?

⁠

తే.⁠

యేమి సేయుదు? నానతి యిమ్ము నాకు ననుచుఁ గ్రమ్మఱ మ్రొక్కి బో హప్పళించెఁ దన్మహాధ్వనిఁ గలఁగి యుత్కటము లగుచు జడధు లేడును గలుషింప శంభుసుతుఁడు.

⁠ 80

వ.⁠

అనిన రుద్రుం డతని రౌద్రోద్రేకంబునకు వీరరసరేఖాముద్రకుం బ్రమోదం బంది భద్ర! నీకు వీరభద్రనామం బిచ్చితి; నాయధిక్షేపంబున దక్షయజ్ఞంబు సంక్షయంబు నొందింపుము; ప్రమథాక్షౌహిణీబలంబు నీకు సహాయం బయ్యెడు నని

⁠