పుట:కాశీఖండము.pdf/439

427

సప్తమాశ్వాసము

⁠

నంబున వృషభధ్వజలింగంబు, తత్సమీపంబున నర్థనారీశ్వరపీఠంబు, తత్సమీపంబునఁ బంచనదతీర్థంబు, తత్సమీపంబునఁ బంచముద్రమహాపీఠంబు, తత్సమీపంబున వీరేశ్వరలింగంబు, తత్సమీపంబున సిద్ధేశ్వరలింగంబు, తత్సమీపంబున యోగినీపీఠంబు.

⁠ 8

తే.⁠

కలవు పీఠంబు లానందకాననమున [1]జెట్టు వ్రేసినచోట దాక్షిణ్యపుణ్య! యర్థవాదంబు కాదు సత్యంబ కాని పెద్దపీఠంబు ధర్మేశపీఠకంబు.

⁠ 9

విశ్వభుజాఖ్యానము

క.⁠

విశ్వభుజాగౌరీపర మేశ్వరి సేవించి యందు నింద్రాణి సమ గ్రైశ్వర్యము సౌభాగ్యము శాశ్వతముగ భర్తసంప్రసాదముఁ గాంచెన్.

⁠ 10

వ.⁠

విశ్వభుజాదేవి మనోరథతృతీయావ్రతంబున నారాధించి శచీదేవి యింద్రుని, నరుంధతి వసిష్ఠు, ననసూయ యత్రిని, సునీత యుత్తానపాదుని భర్తలం గా వరంబు వడసిరి. ఈవిశ్వభుజాదేవిసమీపంబున నాశావినాయకుండు ప్రణతాఖిలభక్తజనమనోరథసిద్ధిదాయకుం డై యుండు.

⁠ 11

తే.⁠

వృత్రవధయాదిగాఁ గలవృజినములకు శాంతి గాఁ కాశికాపురి జంభభేది ధర్మపీఠంబునకు నుపాంతంబునందు నిష్ఠతో శంభులింగప్రతిష్ఠ చేసె.

⁠ 12

1. ‘జెట్టు వ్రేసినఁ జేటెఁ డక్షీణపుణ్య!’ అని పూర్వముద్రితపుస్తకపాఠము.