పుట:కాశీఖండము.pdf/343

షష్ఠాశ్వాసము

⁠

శ్రీ శ్రీకటాక్షవీక్షణ విశ్రాణన! విభవవిజితవిద్యాధర! వ ర్ణాశ్రమరక్షాతత్పర! యాశ్రితమందార! రెడ్డియల్లయవీరా!

⁠ 1

వ.⁠

అక్కథకుండు శౌనకాదిమహామునుల కిట్లనియె.

⁠ 2

సాంబాదిత్యమాహాత్మ్యము

సీ.⁠

యదువంశమునయందు నవనిభారాపనో         దార్థంబు దుష్టదైత్యావశేష హరణార్థముగఁ బుట్టె నంభోజనాభుండు         దేవకికిని వసుదేవునకును ద్వారవతీపురాధ్యక్షుండు దైత్యారి         యవరోధకాంతాసహస్రములకు గాంచె నందనుల లక్షయునెనుబది వేల         మాన్య లైన ప్రధానమహిషులందు

⁠

తే.⁠

జాంబవతి యనుదేవియు సాంబుఁ గనియె నక్కుమారుండు లేఁతప్రాయంబునందు వీథి నొకనాఁడు సఖులతో విహృతి సలుప నెచట నుండియొ నారదుం డేగుదెంచె.

⁠ 3