పుట:కాశీఖండము.pdf/332

పంచమాశ్వాసము

319

⁠

పరతల్ దక్కిరి యాయజూక భవనప్రాగ్వంశమధ్యంబులన్ [1]వరుసం జేయరయారె వీడు నస్వధాస్వాహావషట్కారముల్.

⁠ 302

ఉ.⁠

యంత్రితభక్తిభావమున నగ్నిసమింధని సామిధేని ఋ ఙ్మంత్రము లుచ్చరించుచు సమగ్రతరాగణిమంథనక్రియా తంత్రము నాచరించి వసుధామరముఖ్యులు వీతిహోత్రు నా మంత్రణ సేయ లేరయిరి మచ్చరికించియుఁ గాశికాపురిన్.

⁠ 303

వ.⁠

ఆసమయంబున.

⁠ 304

ఉ.⁠

భూపతిసమ్ముఖంబునకుఁ బోయి కరాంబుజము ల్మొగిడ్చి వి జ్ఞాపన సేసె నారసికసంఘము మెల్లన గొంకి కొంకి యి ష్టాపకరోక్తిఁ జెప్పెడునెడం [2]గడునల్గుట నీతి యౌ ననం బాపలు మేదినీశ్వరులమానసముల్ దిరిసెంపుఁబూవులున్.

⁠ 305

తే.⁠

అవధరింపుము నీప్రతాపాతిశయము గరిమమున నోహటించియో కాని వహ్ని కాశికాపట్టణము నైదుక్రోశములును బదిల మై యుండ నోపక పాఱిపోయె.

⁠ 306

ఉ.⁠

అంబుజబాంధవాన్వయనృపాగ్రణి! బోనము నేఁడు సూర్యపా కంబున నాయితం బయినఖజ్యము భోజనశాలలోనఁ బ ళ్యం బిడినారు పంకజదళాక్షులు రెండవజాముగంట వే(మ్రో) యంబడె నారగింప సమయం బని యిమ్మెయి విన్నవించినన్.

⁠ 307

1. 'వరిబియ్యం బెడ యొల్కి వీడును; వరు జయ్యెం బెద యొల్కి'
   అనియుఁ గొన్నిప్రతులతోఁ గనఁబడుచున్నవి. ఈ పాఠములు చింత్యములు.
2. 'గడునజ్ఞులనీతియోపనం, బ్రాపలు' అని ముద్రితపుస్తకపాఠము. ఈ రెండు పాఠములు జింత్యములు.