పుట:కాశీఖండము.pdf/314

పంచమాశ్వాసము

301

⁠

బ్రాణానిలాయామపరిపాటి విదళించు         నందంద కలుషసంహతుల నెల్లఁ బ్రత్యాహృతిక్రియాపాటవంబునఁ జేసి         పావనత్వంబు చేపట్టు మేన ధారణావిధిధురంధరతాబలంబునఁ         జన మైనచిత్తంబు దిరము సేయు

⁠

తే.⁠

ధ్యానమున నీశుఁ జూచి సమాధియుక్తి గర్వనిర్మూలనక్రియాకర్మశూర మైన మోక్షంబుఁ గాంచు వింధ్యాద్రిదమన! [1]సాధకుని కిది యోగాంగషట్కఫలము.

⁠ 238

తే.⁠

దహని యన భ్రామణి యనంగ స్తంభని యన శమని యనఁ బ్లావని యనంగ సంయమీంద్ర! ప్రాణపవమానధారణ లైదు గలుగఁ జెప్పుదురు యోగసిద్ధాంతసిద్ధమతులు.

⁠ 239

ఆ.⁠

ఉడ్డి యానముద్రయును మహాముద్రయు మూలబంధగగనముద్రికలును సారతరవివేక! జాలంధరంబును ననఁగ యోగముద్ర లైదు సుమ్ము.

⁠ 240

వ.⁠

నాడీశోధనంబునకుం జంద్రసూర్యసంఘటనంబునకు రసపోషణంబునకు మహాముద్రకపాలకుహరంబున జిహ్వాప్రవేశంబు సేసి బ్రహ్మరంధ్రధ్రువేందుమండలసుధాధారానిష్యంద(న)౦ బాస్వాదించుటకు నభోముద్ర; అదియ ఖేచరీముద్రయు. ఉడ్డీనం బగుమహఃఖగంబు నహోరాత్రంబు నిలుపుటకు నుడ్డీ

⁠

1. కాదు సాధకుఁ డష్టాంగకర్మఫలము