పుట:కాశీఖండము.pdf/196

చతుర్థాశ్వాసము

183

⁠

నెయ్య మలరంగ గురు లుపనీతుఁ జేసి చదువఁబెట్టిరి వాని నాచార్యునొద్ద.

⁠ 79

క.⁠

ద్యూతక్రీడారతుఁడై యాతఁడు కితవులును దాను నాసాయం బా ప్రాతస్సమయము దిరుగ న వేతనిజాచారుఁ డగుచు నెల్లెడ వీటన్.

⁠ 80

సీ.⁠

బ్రాహ్మణాచారంబు పరిహాసకము సేయు         నగ్నిహోత్రవిధాన మన్న నలుగు సంధ్యాభివందనశ్రద్ధ యుజ్జన సేయు         గీతవాద్యవినోదకేలిఁ దగులుఁ బాషండభండదుర్భాష లావర్తించు         ద్యూతకారులతోడి యుద్ధి పడయు ధాతువాదులమీఁదఁ దాత్పర్య మొనరించుఁ         జెలిమి వాటించు నాస్తికులతోడ

⁠

తే.⁠

నటుల మన్నించు హర్షించు విటులఁ జూచి పీఠమర్దుల కొనరించుఁ బెద్దఱికము కౌలటేయులఁ బాటించు గారవించుఁ శిష్టకుల దీక్షితునిపట్టి సిగ్గు విడిచి.

⁠ 81

వ.⁠

సజీవనిర్జీవద్యూతంబుల నోడినధనంబులు గితవులకుం దల్లిమేనిరవణంబుల నమ్మిపెట్టుచుండు.

⁠ 82

తే.⁠

తల్లి బోధించుఁ దత్పరత్వంబు గలిగి యన్న! మీయన్న చెప్పినయట్ల చేయు ధూర్తసంగతి విడువు సాధువులతోడఁ బరిచయము సేయు మని పుత్త్రు ప్రతిదినంబు.

⁠ 83