ఉద్ అసౌ సూర్యో అగాద్ ఉద్ అయమ్ మామకో భగః |
అహం తద్ విద్వలా పతిమ్ అభ్య్ అసాక్షి విషాసహిః || 10-159-01
అహం కేతుర్ అహమ్ మూర్ధాహమ్ ఉగ్రా వివాచనీ |
మమేద్ అను క్రతుమ్ పతిః సేహానాయా ఉపాచరేత్ || 10-159-02
మమ పుత్రాః శత్రుహణో ऽథో మే దుహితా విరాట్ |
ఉతాహమ్ అస్మి సంజయా పత్యౌ మే శ్లోక ఉత్తమః || 10-159-03
యేనేన్ద్రో హవిషా కృత్వ్య్ అభవద్ ద్యుమ్న్య్ ఉత్తమః |
ఇదం తద్ అక్రి దేవా అసపత్నా కిలాభువమ్ || 10-159-04
అసపత్నా సపత్నఘ్నీ జయన్త్య్ అభిభూవరీ |
ఆవృక్షమ్ అన్యాసాం వర్చో రాధో అస్థేయసామ్ ఇవ || 10-159-05
సమ్ అజైషమ్ ఇమా అహం సపత్నీర్ అభిభూవరీ |
యథాహమ్ అస్య వీరస్య విరాజాని జనస్య చ || 10-159-06