ఇట్టి భాగ్యము
ఇట్టి భాగ్యము గంటిమి యిద్దరూ బదుకుదురయా
పట్టము గట్టుకొంటివి పచ్చిదేరెనయ్యా ||
చెలియతోడే నీకు సింహాసనపుగద్దె
అలరుజూపులె రత్నాభిషేకాలు
చలువైన నవ్వులే ఛత్రచామరములు
కలిగె నీకింక నేమి గావలెనయ్యా ||
చనుగవలే నీకు సామ్రాజ్య దుర్గములు
నినుపు మోవితేనెలు నిచ్చబోనాలు
వొనరిన కౌగిలే వుండెడి నీనగరు
యెనయ నచ్చె నీ భాగ్యమీడెర నయ్యా ||
రతి చెనకులే నీకు రవణపు సొమ్ములు
సతతపుగూటమే సర్వసంపద
యితవై శ్రీవేంకటేశ యీకె యలమేలుమంగ
సతమాయ మమ్ము నేలి జాణవైతివయ్యా ||
iTTi BAgyamu gaMTimi yiddarU badukudurayA
paTTamu gaTTukoMTivi paccidErenayyA
celiyatODE nIku siMhAsanapugadde
alarujUpule ratnABiShEkAlu
caluvaina navvulE CatracAmaramulu
kalige nIkiMka nEmi gAvalenayyA
canugavalE nIku sAmrAjya durgamulu
ninupu mOvitEnelu niccabOnAlu
vonarina kaugilE vuMDeDi nInagaru
yenaya nacce nI BAgyamIDera nayyA
rati cenakulE nIku ravaNapu sommulu
satatapugUTamE sarvasaMpada
yitavai SrIvEMkaTESa yIke yalamElumaMga
satamAya mammu nEli jANavaitivayyA
బయటి లింకులు మార్చు
అన్నమయ్య పాటలు | |
---|---|
అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
|