అనుచు మునులు
అనుచు మునులు ఋషు లంతనింత నాడఁగాను
వినియు విననియట్టె వీడె యాడీఁగాని // పల్లవి //
ముకుందుఁ డితఁడు మురహరుఁ డితఁడు
అకటా నందునికొడుకాయఁగాని
శకుంతగమనుఁ డితఁడు సర్వేశుఁ డితఁడు
వెకలి రేపల్లెవీధి విహరించీఁగాని // అను //
వేదమూరితి ఇతఁడు విష్ణుదేవుఁ డితఁడు
కాదనలేక పసులఁ గాచీఁగాని
ఆదిమూల మితఁడు యమరవంద్యుఁ డితఁడు
గాదిలిచేఁతల రోలఁ గట్టువడెఁగాని // అను //
పరమాత్ముఁ డితఁడే బాలుఁడై వున్నాఁడుగాని
హరి యీతఁడే వెన్నముచ్చాయఁగాని
పరగ శ్రీవేంకటాద్రిపతియును నీతఁడె
తిరమై గొల్లెతలచేఁ దిట్టువడీఁగాని // అను //
anuchu munulu RuShu laMtaniMta nADagAnu
viniyu vinaniyaTTe vIDe yADIgAni // pallavi //
mukuMdu DitaDu muraharu DitaDu
akaTA naMdunikoDukAyagAni
SakuMtagamanu DitaDu sarvESu DitaDu
vekali rEpallevIdhi vihariMchIgAni // anu //
vEdamUriti itaDu viShNudEvu DitaDu
kAdanalEka pasula gAchIgAni
AdimUla mitaDu yamaravaMdyu DitaDu
gAdilichEtala rOla gaTTuvaDegAni // anu //
pamAtmu DitaDE bAluDai vunnADugAni
hari yItaDE vennamuchchAyagAni
paraga SrIvEMkaTAdripatiyunu nItade
tiramai golletalachE diTTuvaDIgAni // anu //
బయటి లింకులు మార్చు
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |